كاملة أبو ذكري: نفسي أشتغل مع كريم عبد العزيز.. وفيه كيميا بيني وبين محمد رمضان
عبرت المخرجة كاملة أبو ذكري، عن أمنيتها العمل مع النجوم كريم عبد العزيز ومحمد رمضان، بجانب حديثها عن الفنان تامر حسني، مؤكدة إنها من جمهوره.
وقالت كاملة أبو ذكري في تصريحات تلفزيونية: أنا اشتغلت مع نجوم كتير بس نفسي أشتغل مع كريم عبد العزيز، مشتغلتش معاه خالص، ونعرف بعض من عمر طويل ووالده أستاذي واشتغلت مع نجوم الجيل ده.
وأضافت كاملة أبو ذكري: مشتغلش مع محمد رمضان وكنت بفكر في الشغل مع كريم عبد العزيز، عشان طلعنا مع بعض إنما محمد رمضان أصغر مننا، وأكيد محمد رمضان ممثل كبير وقعدت معاه مرة وحسيت إن فيه بينا كيميا والروح بينا مش تقيلة على بعضها، وحبيته جدًا لما قعدت معاه وأتمنى نشتغل مع بعض.
كاملة أبو ذكري: عمري ما قلت أرفض الشغل مع تامر حسني.. أنا من جماهيره
كما أكدت المخرجة كاملة أبو ذكري، عدم صحة التصريح المنسوب لها بأنها ترفض العمل مع تامر حسني، معلقة: عمري ما قلت أرفض الشغل مع تامر حسني وهو نجم كبير وبحب أفلامه وأغانيه وعنده قبول كبير على الشاشة وبتمنى أقابله صدفه، أنا من جماهير تامر حسني وبحبه جدًا وعنده قبول وطيبة ونجم كبير في السينما والفن المصري.
كاملة أبو ذكري
يعتبر مسلسل بطلوع الروح هو آخر أعمال المخرجة كاملة أبو ذكري، الذي نافس في الماراثون الرمضاني 2023، والعمل من بطولة الفنانة منة شلبي، إلهام شاهين، أحمد السعدني، أحمد حاتم، عادل كرم، دياموند بو عبود.
