صلاح عبد الله يوجه رسالة مؤثرة وغامضة لمتابعيه
وجه الفنان صلاح عبد الله رسالة مؤثرة وغامضة لمتابعيه، عبر حسابه الرسمي على موقع التدوينات القصيرة إكس، تويتر سابقا.
وكتب صلاح عبد الله: "خاطر على غفلة، الحمد لله إن الواحد لما بيموت مبيشوفش مين اللي زعل عليه قوي، وبجد، ومين عادي، وإيه اللي حصل في الجنازة والعزاء، وبعدهما، ولّا بيشوف؟! الله أعلم".
وتفاعل مع صلاح عبد الله عدد كبير من متابعيه بالعديد من التعليقات، ودعوا له بطول العمر.
ومن هذه التعليقات:"ربنا يديلك طول العمر يا أستاذ صلاح"، و"هو الأفضل في حياة الإنسان إنه ميعملش حاجة غير إنه يرضي ربنا بس"، و"مش مهم إن الإنسان يرضي الناس ويتكلموا عنه كويس، المهم ربنا يتكلم عنه كويس، وحتى لو محدش خالص زعل عليه أو حتى حضر جنازته طول العمر لحضرتك أستاذ صلاح".
وكتب له أحدهم أيضا: "اللي بيموت بيشوف وبيسمع وبيحس بس مش بيرد، ولا بيعاتب على قلة الأصل وجحود القلب"، وقال متابع آخر: "مش مهم مين زعل ومين حضر الجنازة، المهم مين هيفضل يدعي ليا، ويعمل صدقة جارية تنفعني في قبري وآخرتي، غير كدا كله شكليات يا عم صلاح، ربنا يطول في عمرك".
