أول تعليق من الحكم المصري إبراهيم نور الدين بعد تحكيم مباراة للأسطورة ميسي

قال إبراهيم نور الدين الحكم الدولي: "السوشيال ميديا كلها فرحانة بيا بعد تحكيمي مباراة لميسي لمنتخب بلاده الأرجنتين أمام الإمارات"، موضحًا: "الحوار اللى دار بيني وبين ميسي، إني قلت له يختار الملعب، فيفا أو فير بلاي، والنجم اختار الفيفا"

وأضاف "نور الدين" خلال تصريحات تليفزيونية: "تحكيم مباراة لميسي ده عوض من ربنا اني مروحتش كأس العالم والإخفاقات اللي اتعرضت لها الفترة اللى فاتت، والضغوط الإعلامية اللى اتعرضت لها وكإني مش مصري بس بقول حسبي الله ونعم الوكيل في اللى كان السبب".

وعن قميص ميسي، علق الحكم الدولى المصرى: "مأخدتش فانلتي ولا طلبتها انا مصري والمصري ميطلبش انما اللى عايز ياخد فانلتي مفيش مشكلة".

وتابع: "حكمت لميسي امس بدون عصبية، وعمرى ما أحب أكون عصبي ولكن ساعات بتطلع انذارات كتير علشان افرض سيطرتي علي المباراة".

وفاز منتخب الأرجنتين على نظيره الإمارات بخمسة أهداف دون رد في لقاء ودي استعدادًا لكأس العالم 2022.

وسجل أهداف منتخب التانجو كل من جوليان ألفاريز ودي ماريا هدفين وليونيل ميسي هدف وخواكين كوريا هدف.

وأدار اللقاء الحكم المصري إبراهيم نور الدين وطاقم تحكيمي من مصر.